share room 這回事（二）

我來日本已經2年多了。第一年是自己住，第二年開始多了一個不得了的room mate。

首先略略解釋一下我們家的環境。基本上係典型的日式間隔，一入門口有個玄関，右邊係浴室同埋廁所，2者分開，左邊係一個開放式蚊型廚房。直行開門就係房，有個閣樓。由於窮困的關係，我地係無獨立房的，不過有共識，夠用而大家又comfortable就無問題。

記得我地有打算係日本一齊住的時候，大家都好明白「相見好，同住難」呢個道理，更何況熟悉我地的朋友仔都知道本身我地之間的相處有幾咁funny同唔要得，所以為左我地之間的友誼，曾經有傾過尼個「約法三章」，唔好反面。最後我只記得我話鬧交個陣唔好扔我落街。

我經常形容我room mate為他媽哥治，因為佢熱，肚餓，唔夠訓，比蚊攻擊就會燥底，好燥底，爆燥底。例如好熱時佢會重覆講3次，「好熱，好熱，真係好熱」，咁就要儘快處理一下。又有時佢條忍耐bar爆左，眼神瞬間變銳利/無神/放空時，你就知道，他媽哥治有d唔對路，要注意一下。

會唔會嗌交？唔會啦。你一句我一句，有來有往叫嗌交，係嗌交方面我係零戰鬥力，連普通串2句咀我都係完敗，加上不嬲都係我激嬲人多，所以我地無嗌交啦。另外，我個人又好麻煩，激嬲左人之後會好緊張，好不安，好想對方快d消左道氣。問題來了，男女朋友（其實應該話女朋友）就話可以哄啫，大家room mate又識左咁多年又2個女人，歉又道左，哄咩鬼野，哄都哄唔落啦。所以唯有學room mate話齋：「無架啦，時間會沖淡一切」。

不過呢，衷心覺得有個頂得自己順的room mate真係好難得，又聰明又轉數快又細心，又愈尼愈煮得一手好菜。放左工番屋企而我仲OT時又會煮埋飯同第二日便當。得閒又會講埋d長洲鄉音搞下gag。病左又會買埋藥兇我食藥或者睇醫生。上年有排無心情無胃口食飯時又好擔心好似阿媽咁鏟我鏟到上天花板再落地底咁叫我食野。

作為朋友，真係覺得只要佢健健康康，肥肥白白，開開心心，食得好訓得飽，體驗到想試的生活和工作，入到間好公司，幸幸福福咁就好替佢高興。

多謝你無扔我落街。

share room這回事 (一)

話說今個星期係日本既黃金週，對於無得放紅假既我黎講意義不大。趁唔要得的room mate番左香港，講下關於以前share room/house既野。(其實佢番唔番香港都會照講)

到宜家為止，自己只有試過3次同家人以外既人生活。

第1次
剛剛到澳洲時，先住係好好既馬來西亞人home stay。

我，一個陌生人，突然加入人地既家庭。自己每日都尷尷尬尬咁，唔係好自然，唔係好習慣。特別係覺得每日都要同一個唔係自己阿媽既人報告行蹤，總會覺得有d奇怪。

第2次
離開home stay，同同學一齊share room。

當時我地2個租既房係有閣樓的，基本上一樓係用尼hea，食野同埋砌essay。而閣樓係一個寬敞既空間﹐放左2張床。

同當時的room mate一齊相處，都有好多新發現。例如佢係佛教徒，會有唸經時間。初時我咩都唔知，發現佢完全靜止咁大半個鐘，以為佢砌砌下essay訓左。於是我拍一拍佢，佢無反應，再望真d原來佢唸緊經。另外，佢係上海人，有時同家人會用上海話講電話。有時聽聽下會覺得自己好似聽得明，當然事實上係唔明。

有時明明2個都好忙咁砌緊essay，唔知邊個開始無啦啦講起d無聊野，講講下會再進化到講低能野。然後2個幾鐘過後，份essay就係寫多左一句咁多多。

至於點樣稱呼對方，基本上大部份時間我都係叫佢個英文名，有時叫下花名。不過......我個room mate 99%時間都係叫我個花名，就連有一次佢媽媽尼澳洲旅行，佢都係介紹我個花名比佢媽媽。

有時聽到其他朋友講下自己d room mate，我都會覺得大學遇到呢個夾得尼既room mate真係好好。

第3次
就係而家呢個識左好耐，去左x次旅行，好唔要得個位。咳咳!

嘿嘿，我決定留番下次再講。

當你飲麥精時，請記得有一個人在大阪也想喝一口...

近來很多人有意無意之間都會問我2條問題。

1. 到底我在日本做什麼

上年我是working holiday，今年我申請了留學簽證在語言學校讀日文。經過幾番波折和一連串的等待後，前幾天我成功轉成就勞簽證，也正式退學了。

2. 為什麼我會離開香港去日本

簡單點說就是想看看和了解一下這個國家。

有人會覺得說穿了說是因爲香港生活太無趣要花一年時間去「玩」，「玩」夠便要面對現實回香港。對於這類好言相勸，我起初是有點不忿的，後來我想通了，沒什麼的，我也是很認真地在日本工作（雖然是part time)，同時也有認真地去旅行。今年我也是很認真地學日文和預備考試，也很認真地預備日文CV和面試。在日本生活也不見的有多不現實。

2年前的我辭職時發夢也估不到今天的我會持工作簽證留在日本，其實不要說是2年前，半年前我入讀語言學校時連在日本找工作都只是一個夢，一個沒有把握的夢。

如無意外，未來一段時間我會繼續留在大阪。如果有人來大阪旅行，又不小心放了1-2盒麥精在行李箱的話，我很樂意和你見個面順便幫你收留那2盒頑皮的麥精，減輕你行李的負擔。

關於ROOMMATE

由上一年的WORKING HOLIDAY到今年的留學生活，我在大阪原來不經不覺已經生活了1年半。

以前在樹熊國讀書時，也是自己住了好一段日子，但印象中沒有什麼獨居老人的感覺。可能年紀大了，去年大半年都是一個人住，獨居老人指數簡直創新高。很深刻記得去年在東京旅行後，在新宿的車站和唔要得朋友們分開，他們回香港，而我則坐8個小時巴士回大阪，那一刻的寂寞傷感我到現在還記得。

今年我多了一位 roommate。無錯，那位「好唔要得」的朋友同時也成為了「好唔要得」的roommate。除了每天可以講廣東話之外，也發現了自己好些奇怪的習慣和性格，例如…很多詞彙我以為是人人都是這樣說，殊不知只有我家是這樣說…

「好唔要得」的roommate煮飯都有一手，單是這半年我的「食完會變心心眼的食物清單」便增添了3款食物。不過，roommate對於茄子和盬的處理似乎有丁點兒障礙…

題外話，我曾經講笑說，若把自己的糗事記低，應該可以出書。其實想一想，單是把我和唔要得的roommate的對話或相處記低，又可以出多一本書。

有一個咁唔要得的roommate真係即安心又開心。

Dory 教會我的事

• 無記性也可以活得好好的 （雖然有時會被嫌棄）
• 迷路時最好找人帶你去到目的地 （可以嘗試問路雖然大多數都記不住）
• 要好好記住如何由1數到10
• 可以的話，要學一種外語旁身（例如鯨魚話） 
• 突然好記性記得住某事時，要自我感覺良好一陣子
• 家人很重要，他們總是對你有信心，對你有期望，會願意等待你
• 像家人的朋友也要好好珍惜，雖然Marlin不時嫌棄Dory的記性差和奇怪舉動，但陪伴Dory冒險到底的是Marlin
• 記性再差也要記住最親的人的名字
• 出街要塗防曬，不然會像Dory一樣臉上有雀斑

關於遊客 （1）

今次分享一下遊客在日本結帳時的畫面。

我最近比較多做收銀，因為販賣的團隊只剩下我一個外國員工，而有約六成的客人是非日本人。遊客在日本結帳的煩惱可以分為三種。

1 - 對日本貨幣的不滿

這是最常聽到也是最低級別的不滿。主要是嫌日本太多不同種類的硬幣和紙幣，外國客人看不懂之餘也有部分遊客會質疑日本應該簡化貨幣的種類。其實仔細想想，香港的貨幣種類比日本多（10元還同時有硬幣和紙幣x2）。

2 - 對於消費稅充滿困惑

同一商品在meun上會顯示2個價格，一個是「税抜き」(未包消費稅)，一個是「税込み」(包含消費稅)-日本實行8%消費稅的制度。通常這時候，税抜き金額的字體比較大，旁邊會有個小的可憐的税込み金額。大部分的遊客都覺得消費稅是件正常不過的事，但仍然有遊客對於消費稅很不滿，問遊客可否退稅，彷彿問到第777次就會中獎可以免稅。

3 - 厭棄「神沙」

硬幣太多太重，想快點用完，或者未來短期都不會再來日本旅行。正常的遊客會用問我們可否幫他們儘量把神沙用完，言語不通的會點頭或微笑，也有部分會自己慢慢數。但是有部分「皇帝」、「皇后」會一次過把自己有的日元硬幣倒出來，再用指頭點兩下⋯⋯或者「pat」出尼。在我看來，對於一個素未謀面的人，我實在很難不由你付錢時的態度推測你的品格。

奢侈

以前到日本旅行，每晚回酒店前都要到便利店逛一圈，買個布丁做宵夜或買支乳酪第二天的早餐。當時會覺得只需要百多円就可以買到滑嘟嘟和濃郁的布丁或乳酪是一件很奢侈的事。去旅行已經很幸福，有平靚正宵夜食是雙倍幸福。

現在在日本，偶然也會去國內旅行。這兩天去了立山黑部，和去年自己去廣島和金沢一樣，我都覺得回酒店前買宵夜是一件很奢侈的事。這一年多奉行「節儉是美德」。

去年年尾，我在schedule book寫下了今年希望可以到訪的地方，立山黑部是其中一個。

今天到達後，見到那一群高聳入雲的山，山頂的積雪還未融化的一刻，有點「哇，我發夢想去的地方去到了！」

自從大學畢業後就有種「咁咁咁真係好奢侈」的感嘆。可以完成自己定下的目標，去到一直以來想去的地方，有一段時間，那怕只是一段很短的時間，是很幸福的。而能夠有機會感受到這種幸福，其實是很奢侈的。